کۆرسی پڕۆسەی دیزاینی لۆگۆ
لە کۆرسی دیزاینی لۆگۆدەربارەی ئەم وێبینارە
لەڕابردودا دیزاینی لۆگۆ لەدەستی کەسانی پڕۆفیشناڵدابوو، بەڵام لەمڕۆدا سەدان وێبسایت و بەرنامە بۆ دیزاینی لۆگۆ بەردەستن و هەموو کەس بەئاسانی دەستی پێدەگات، ،زۆرێکیشیان تەنها بە بەکارهێنانی قاڵبی ئامادەکراو بەردەستن، کەواتە ڕۆڵی گرافیک دیزاینەر بەگشتی و دیزاینەری لۆگۆ بەتایبەتی چییە؟
ڕۆڵێکی گەورەیە، بریتییە لە توانای بەرهەمهێنانی بیرۆکەیەکی نایاب بۆ ئەو داواکاریەی پێشەکەشی دەکرێت، پڕۆسەی دیزاینی لۆگۆش هاوکارێکی باشە تاوەکو بە پڕۆسەیەکی لێکۆڵینەوە و بیرکردنەوەی ستراتیژی بتوانیت بیرۆکەیەکی نایاب بەرهەمبهێنیت،
دەرئەنجامی دیزاین لەبنەڕەتدا بۆ ئەوەنییە تەنها جوان دەربکەوێت بەلکو سەرکەوتنی هەر کارێکی دیزاین بەندە بە جێبەجێکردنی ئەو مەبەست و ئەرکەی پێی سپێردراوە و گەیاندنی بە گوێرەی پێویستییەکانی پڕۆژەکە، ئامانجەکەش بریتیە لە گەیاندنی پەیام بەشێوەیەکی ڕون و سەرنجڕاکێش، گەیاندنی ئەم پەیامەش پێویستی بە ڕیکخستن و پێشکەشکردنی بینراوی زانیارییەکانە بەشێوەیەکی داهێنەرانە ، بێگومان داهێنان پێویستی بە ژیرییەکی وەهایە بەبێ پڕۆسەی دیزاین بە ئاسانی بەدەست نایەت.
من بەهمەن عومەر لەکۆرسی پڕۆسەی دیزاینی لۆگۆدا بەکۆمەڵێک وانەی گرنگ لەگەڵتان دەبم و خۆشحاڵدەبم بتوانم کۆمەڵێک قۆناغ و هەنگاوی ئەو پڕۆسە گرنگەتان فێربکەم...
