دەربارەی ئەم وێبینارە
یەکێک لە ئاسانترین ڕێگاکان, بۆ دروستکردنی پەیوەندیەکی باشر لە نێوان دیزاینەر و کڕیار بریتییە لە دیاریکردنی ستایلی پڕۆژەی دیزاینەکە، لێرەدا ڕێبەری دیارترین ستایلەکانی دیزاینی بینراو خراوەتە ڕوو وەک سەرچاوەیەک بۆ دیزاینەران و کڕیاران.
دەتوانیت یاری بە ستایلەکان بکەیت و لەگەڵ یەکتر تێکەڵیان بکەیت بۆ نمونە دەمانەوێت ستایلی کۆمیدی دروست بکەین لە تێکەڵ کردنی ستایلی ڕونکردنەوەیی و ستایلی فلات، یان دروستکردنی لۆگۆیەکی خۆشگوزەرانی لە تێکەڵکردنی ستایلی دێرین و نێرینە.
ئەم ڕێبەریەی ستایلە جیاوازەکان یارمەتیدەرێکی باشی گرافیک دیزاینەرانە بۆ دەرئەنجامێکی باشتر لە پڕۆژەی دیزاینەکە و گونجاندنی دیزاینەکە لەگەڵ بەرهەم و براندی کڕیارەکە، پێویستە لە هەنگاوەکانی پڕۆسەی گرافیک دیزایندا پیشانی کڕیار بدرێت، ستایلەکان بە پێی کات بەردەوام گۆڕانکاری بەسەردا دێت و لە نوێبونەوەدان، لەسەدەی ڕابردوودا چەندەها قوتابخانە و ستایلی دیزاین بوونی هەبووە و کاریگەریان لەسەر ڕەوتی دیزاینی ئەم سەردەمە بەئاشکرا هەستی پێدەکرێت.
لێرەدا وشەی کلیلی دانراوە تاوەکو گرافیک دیزاینەر لەکاتی گەڕاندا بتوانێت بەکاری بهێنێت بۆ وەرگرتنی ئیلهام لەو دیزاینانەی لەسەر ئەو جۆرە ستایلە کراون، وە پێویستە گرافیک دیزاینەر ئاگاداری ئاڕاستە(Trend)ە نوێکانی گرافیک دیزاین بێت کە ساڵانە بەردەوام تازەدەبنەوە و گۆڕانکاری بەسەردادێت و دەتوانرێت بەهۆیەوە بیرۆکەی نوێ لە ستایلەکاندا بەکاربهێندرێت یان ببێتە هۆی سەرهەڵدانی ستایلی نوێ.
لەم نامیلەدا سەرەکیترین ستایلە نوێکانی گرافیک دیزاین خراوەتە ڕوو
